ليه اعيش
رباعيات الشبل
ليه أعيش
ليه اعيش مكتئب بدنيا نسياني
البخت قسم والقسمه معنداني
حظي اترمى ببحر خالي من الميه
نزلت اجيبه اتفحت الهويس التاني
دقت على باب الحظ مين هيرد
روحت للعراف قال طريقك سد
الراجل الجاد موقف بدنيا الناس
لأنه للحق بيكون سيف وله حد
يا دنيا خدي مني كيف ما بدك
ومخلوق بالقدر ليه اطلب ودك
رزقي عندي ربي مكتوب بكتاب
بس ليك برقص إن بان كعبك
من بين الأيام يوم طيب حسن
دا مجاش ومر خايف من الظن
دا كلام الناس عليه مليان حسد
الدهب بالجرام اما الحديد بالطن
اركب الهوا ومتخفش من المراجيح
خليك عصفور بجناح وسابق الريح
بقلب جسور عاشق بجد لحياة النور
عايش بصدق وبسمتي وجهي سميح
طول عمري بقول الآه جوايه
أنا زي طين الأرض ضحكايه
بشد البسمة م روحي لسمايا
عارف آني للعمر بدايه ونهايه
شفت القمر بالسما عشقت نوره
بعلم أهل الهوا أزي يعشقوا ليله
دوبت فيها بس مانزل ع الأرض
تاه بين السحاب ومني كان عمره
بدور ع الفرح ما بين دروب الغم
بزرع الضحكة بالسما بتطرح هم
الصبر زي الرضا خدته من بختي
والعويل حظه خير و بالأرض عم
واقف قصاد الريح خليك بطل
واوع تهرب من المطر إن هطل
وازرع بسمتك بالقلوب بمحبتك
لاتهتم بمن برد الحقوق قد فشل
عايش الحياه كالطفل نفسه ببالونه
اجمل أيام العمر وانت في سنه أوله
لاتعرف معني الحقد بجد ولا أطماع
عايش الحياه بالحب ومتمسك بلونه
الشبل نايم ودمعته من دنيته بالخد
عامل احايلها بالغزل ترد عليا بالصد
قلبي بحنانه ليكي مليون مينا وشط
وأنت كموج البحر وخداني جزر و مد
رباعيات الشبل الجزء العاشر
الشاعر/إبراهيم شبل
تعليقات
إرسال تعليق