تونس الخضراء // بقلم الدكتور مصطفى عماري سفير السلام الدولي
بمناسبة عيد الجمهورية التونسية 25 جويلية أهدى هذه القصيدة لوطني الحبيب تونس الخضراء.
تونس يا عز البلدان
من بنزرت ال بنقردان
قلبي عل أولاد بلادي حيران
ملغربة نهديكم أحلى سلام اولاد بلادي من كل مكان
اليوم عيد الجمهورية
سلم وسلام وحرية
ربي يحفظنا مل الوباء
لا خلى لا صغير ولا كبير
لا رجال ولا نساء
يا ربي خفف علينا الداء
يكفينا م الداء
بنادم ما خلانا نعيشوا براحة وهناء
الله يجبر لقلوب
بجاه الوهاب والموهوب
الفاهم يفهم المقصود
عيد مبارك سعيد
للخضراء عز البلدان
تونس يا غالية وعزيزة
رايتك ترفرف في جميع الأوطان
همة وشهامة وكرامة
أولاد بلادي
من قلبي نهديكم لوراد
أوراد من كل الألوان
سلم وسلام
أمن وأمان
نتمنى لكل الإخوان
لا غربي ولا شرقي
لا شمالي ولا جنوبي
اليوم اليد في اليد
عل داروا علينا الضد
تونس والله ما تهون
تونس الأم الحنون
الخاين ما يعيش فيها
عمره لكان ولا يكون
القلوب عامرة هموم
والشعب مظلوم
مغبون
مكلوم
يا حراير وأحرار
تونس والله ما تهون
تونس والله ما تهون
مسيرة سلمية
فرحة بعيد الجمهورية
نطالبوا بالعدالة الاجتماعية
ديمقراطية وحرية
بالروح بالدم نفديك
يا تونس الغالية وعزيزة عليَ
تونس ما تهون يا إنسان
خلونا نعيشوا بأمن وأمان
سلم وسلام كهول وشبان
والجبان في تونس ما عنده مكان
الخوان طريقه مسدود
عمره ما يشوف النور
حياته بجاه العالي
سواد ظلام
الله يكثر أولاد الحلال
ويبعد علينا الخوانة
وأولاد الحرام
نادي معايا بالصوت العالي
الله ينصر تونس عل الأعادي
بجاه النبي المختار
وأحباب الخضراء والأنصار
تونس والله ما تهون
تونس والله ما تهون
مهما صار واللي يكون
تونس حبها معشعش في المكنون.
حرب الوباء يد وحدة
يذوب كيما ذاب الماء
عيدنا عيد الوفاء
نترحموا عل أرواح الشهداء
والمرضى ندعولهم بالعافية والشفاء
ربي يحمينا ويحمي الامة العربية
ربي يحمينا ويحمي الأمة الإسلامية
أرفع يدك معايا
للعالي رب العلا
حرية
عدالة
ديمقراطية
لجميع البشرية
آمين يا رب العالمين
والصلاة والسلام على نبينا
محمد الأمين
آمين
آمين
آمين.
الدكتور مصطفى عماري
سفير السلام الدولي
تونس.
تعليقات
إرسال تعليق