الناس مظاهر // بقلم الشاعر/ عبد المنعم حمدي رضوان
الناس مظاهر
الناس مظاهر فيه اللى مكنون
فى الصدور وفيه اللى ظاهر
أياك تغرك تعابير الوشوش ولا
الكلام المعسول ولا المناظر
وقبل ما تحكم على شئ أعرف
مخبره قبل مظهره وحاذر
وخلي بالك من اللى يقابلك
بالأحضان وهو بالشر لك ضامر
حلو اللسان شين الخصال سىئ
المخبر لكن بالحب يتظاهر
وفيه فقير لكن عزيز النفس
عفيف اليد وقلبه بالرضا عامر
وفى غنى مهما أغتنى لابيشبع
ولا بيقنع ولا حامد ولاشاكر
وأياك فى يوم تنساب
أو تصاحب محدث النعمة وتعاشر
لما بتناسب أعرف أنك بتختار
أخوال وجدود لأولادك حاذر
حلو الجمال لكن الأجمل الطبع
بنت الأصول أحلى وتتعاشر
الطبع غلاب عمره فى يوم مايتغير
أياك تخدع نفسك وتغامر
ضحك الوشوش مش معناه فرح
ربك وحده بالنفوس خابر
وحط نفسك مكان الناس قبلض
الحكم عليهم لاجل تكون عاذر
دنيا غرورة الناس فيها بتتلون
فيها الجميع بيمثل ويتظاهر
الشاعر/ عبد المنعم حمدي رضوان
تعليقات
إرسال تعليق