وين أيامك يا تنور // بقلم بدر شحود
****((وين أيامك ياتنور ))****
ياريت الزمان يدور
وين أيامك ياتنور
والمازوت والكاز والببور
وضو الفانوس نور
وصفاء القلوب طهور
وطيبة النوايا بحور
وين الغزل المنثور
وعطر الورد والبخور
وين الحمام والزرزور
والجاجه أم الطيور
ورغيف بو أمون المشهور
وحلات وطناجر الدور
والجب بالمي مغمور
وعربايات الرجيد والحنتور
وتكديس الزرع غمور
وسهم الشعير الصيور
والبيدر بالقمح معمور
والحيلين عليه يدور
والمقتاية والجبس والعجور
وراوي المي ع الضهور
وقبب الجله قصور
والغنمات واللبن والشمندور
والشنكليش والذبده للفطور
والكشك ولحم الطيور
ومنسف العربي المشهور
وبومة البيت المهجور
وكلب الراعي المسعور
وأيام رمضان والسحور
ولمة الضيعه عالفطور
وأعياد الفرح والسرور
وعمل الخير والندور
وزغاريد الأعراس والطهور
القلب عليك مقهور
وصرنا بأرضنا ندور
راح الحال المستور
وصرنا نشتهي القبور
بدر شحود
سوريا
تعليقات
إرسال تعليق