بعدك صغيرة // بقلم هيثم عبد الهادي
بعدك صغيرة وبعدو الهوى بتشرين
هز الشجر وعم بيهر اوراقو
وبعد جايي شباط والاخوة الكوانين
واذار جاي جايب معو رفاقو
ونيسان بأولو بقلك انت حلا الحلوين
الملح نحنا وللكذب اي عشاقو
بأيار الحصاد وغلال البيادر بالميادين
حزيران وتموز بالصيف يتلاقو
وب اب بتكوني وصلتي على العشرين
بيكون الحلا قد فاض ترياقو
ولما الحرارة تجن تتوصل الخمسين
بيصير الرمان يدور ع ذواقو
#هيثم عبد الهادي
تعليقات
إرسال تعليق