تونس الخضراء // بقلم الشاعر مصطفى عماري
* * تونس الخضراء
تونس يا الغالية وعزيزة
من بالي نسيانك محال
غزلانك في الغربة
الله يحسن الحال
آش من واحد هجر وخلد
في ديار الغربان
لا راحة ولا القلب تهنى
الله يسامح العديان
يا عز البلدان
أولادك تشتاقك
بغينا الأمن والأمان
تونس يا عز الأوطان
رأسك مرفوع في كل البلدان
خير وبركة
عزة وشهامة
أنت الشمعة الضواية
تضوي علينا في كل مكان
تونس يا الخضراء
تونس يا عز البلدان
تاريخ و أصالة
أولادك فرسان وشجعان
تاريخك مسجل من عهد زمان
تونس الخضراء منصورة
منصورة ناصرها الرحمان
الله يعزك يا بلادي
يبعد عليك الله شر العديان
من بنزرت البن قردان
أنا الغربي ولد الشمال
همة وعزة وكمال
تونس تاج على رأسي
تونس نبضي وإحساسي
تونس ديما في البال
الله يصونك يا الخضراء
الزهراء حراير وأحرار
عمري من بالي ننساك
محال
محال
محال
أمن وأمان لبلادي
سلم وسلام
تونس يا عز البلدان.
الشاعر مصطفى عماري.
تعليقات
إرسال تعليق