طعم تاني // الشاعر عبد المنعم حمدى رضوان
اتخيل
اتخيل انك تبقي كا ئن غير الانسان
مثلا سمكة فراشة او حتى ابوقردان
مالك مقموص مني وعامل زعلان
باقول اتخيل
يعني عاجبك يا اخينا حال الانسان
ابدا بنفسي واتخيل ان كان ولابد
اتخيل ابقي مثلا شمبانزى او قرد
واسكن غابه في افريقيا او الهند
واسعه و كبيره ملهاش اخر ولا لها حد
امسك فى اشجارها واسيب واشد
وان جعت هاكل فاكهه وجوز الهند
من خمره فاكهتها انا هشرب
واقف بعلو الصوت
وهقول انا قرد اناقرد
وامسك في ايديا القرده المزه
وهطلع فى العالي
واقولها كل كلام الود
ما انا حر وبتنطط وتشعبط
وتشقلب ولا حد حابس
انفاسى وعليا يعد
الغابه وسيعه ولا فيها زحمه
ولا نحره ولاغل ولا حقد
وان عوزت اتجوز قردايه لا دافع
مهر وشبكه والوف تتعد
ولا هعمل جمعيه ولا واخد
من البنك قروض بفوايد تتسد
وفي فرحي هعزم كل قرود
الجبلايه عمرى مزعل حد
وهوزع فاكهه على المعازيم
وسودانى وافرق جوز الهند
وادلع واعيش ايامى بس
ادعيلى اني مع القرده اسد
لتكون زي بنات حوا نكديه
وزنانه تقرفنى ونفسي تتسد
ونعست وانا بتخيل وصحيت
ومراتى بتقول يارجل اتهد
طول الليل تحلم وتخرف
وتقول هتجوز قردايه وانا قرد
هى المحروسه اسمها قردايه
عارفاك والله لاوضع لك حد
يا مراتى دى تخاريف احلام
صدقى لجواز ولا بعرف حد
ياحبيبتي هو اللي يتجوزك
و يشوفك يعرف بعدك حد
اوعي تكون ناوى على غيري
لوهتفكر عداد عمرك هيبطل عد
وده جزاء اللي بتخيل وينسي
الواقع المر ويعمل قرد
الشاعر/عبد المنعم حمدى رضوان
(طعم تاني)
تعليقات
إرسال تعليق