حردانة // الشاعر عبد المجيد الجاسم
امرأة متزوجة وزعلانه عند أهلها
فترة طويلة ونادمه
بعنوان // حردانه // باللغة العاميه
حردانه ونفسي تريد تحاجيكم.....
نعسانه وروحي مشتهيه تلاكيكم
وي الليل ونجوم الصبح أناجيكم.....
مشتاكه حيل وحيل والله عليكم
صبرت وصبري دوم يناديكم........
وقلبي نار ونار تسعر بأراضيكم
جرحتوني وجرحي ينزف بواديكم....
وعشقتكم عشق يشفي مصابيكم
تراني متت وأموت كل يوم بديكم......
دلوني على درب ما اكدر أعاديكم
دلوني على درب ما اكدر أجافيكم....
حردانه وقلبي يوم ودوم عليكم
نعسانه ونفسي تريد تحاجيكم .....
حردانه وروحي مشتهيه تلاكيكم
...... حردانه وروحي ملهوفه عليــــكم
بقلم: / عبد المجيد الجاسم // ابو حيدر//
تعليقات
إرسال تعليق