مين دي إللي كانت أدامي // بقلم هشام علي
هيَّ .. لأ مش هيَّ
نفس البنت إللي أنا حبيتها
هوَّ الشكل .. ونفس الكسم
أمّا الروح .. عيني مش شايفاها
ودا مين بقى إللي معاها ؟!
يمكن أخوها ولاَّ أبوها
باصة علىَّ ووداني سامعاها
نفس البصة .. ونفس الضحكة
حتى مشاعري أمَّا ابقى معاها
حاسس إنها هيَّ بجد
بس عيوني بتخدع فيَّ
تبقى أكيد طبعاً مش هيَّ
معقول تبقى كل كياني ؟!
وتروح تعرف واحد تاني ؟!
وتعيش بمشاعر مش بتاعتها
ودا يبقى شعور إنساني ؟!
إيه الفايدة في كل عمايلِك
م إتبدلت سكنني شيطان
حول كل مشاعري الحلوة
وسكن فىَّ شعور عدواني
إن كان غيري أصبح بسمة
وهو ليكي النور والنسمة
ليه تخليني أفكر فيكي
ويقولوا عني .. إنت إنت أناني
جِه التليفون وقالت لي ألو
طق نفوخي ساعتها يا هو
إزاي تبقى عيوني شافتها
وف لحظتها .. بتكلمني ف التليفون
قلت دا يمكن مس خيالي
ولَّا خلاص بقيت مجنون
أتاري كان ميعادنا فى بيتنا
تاه المخ ... وكمان خربوه
إزاي اشك ف جنة عمري
ومين دي إللي كانت ادامي
شغلت فكري وشاغلة الكون
ومن لحظتها بقيت في ظنون
...........................................
المهندسين فى 17/12/2020
مين دي إللي كانت أدامي
مقطوعة شعرية من تأليفي
هشام علي
...........................................
تعليقات
إرسال تعليق