احساس غريب // بقلم أشرف خوبنس
إحساس غريب
لما الحياه تهديك حبيب
بعدين يغيب
والجرح مش قادر يطيب
إحساس غريب
لما تعيش ويا الخيال
وتشوفها غايه فى الجمال
ومناك تكون هى النصيب
إحساس غريب
لما تلاقيها بين السطور
بتشع نور
والجرح فى لقاها يطيب
إحساس غريب
لما تحس أن الحروف
جاية تناديك مشتاقه ليك
وتحس أن الشوق ماليك
إحساس غريب
لما تحس أن الكلام
شوق وانسجام
وتحس أن معاك حبيب
إحساس غريب
لما الحياه تصبح حياه
والكل راح يلقى هواه
ويعيش سعيد
إحساس غريب
لما تلاقى دنيتك
مليانه بالشوق والغرام
لما تحس ف نظرتك
الحب فيها بدون كلام
إحساس غريب
لما عيونها تندهك
ترمى السلام
لما تغيب
عين الحبيب
إحساس غريب
لما تلاقبها فى المنام
عشق وهيام
إحساس غريب
لما احس بلهفتى
لكلام معاك
وأحس انك دنيتى
وأشتاق إليك
لما اتوه ويا الخيال
والقا الجمال
فى رموش عنيك
لما راح أشعر بالقلق
بعد الغياب
واكتب حروفى ع الورق
من غير عتاب
والقا الامال
صبحت خيال
والقا الحياه صبحت سراب
حتى العتاب أصبح عزاب
والاقى بينا الف ميل
إحساس غريب
قلبى الجميل
سبته معاك
الحب ضد المستحيل
يشفى العليل
وينول هواك
إملى الكبير
قلبك يميل
وأنول لقاك
واعيش معاك
سعد وهنا
إحساس غريب
بحر وجبال
لكن هعيش حلمى الجميل
لو حتى كان صعب المنال
انا راح اعيشه ف الخيال
واقرأ كلامك اتوجع
وفى لحظه قلبى بيك يطيب
إحساس غريب
انا قلبى كان موجوع اوى
من جرح نافذ فى الوريد
لما عنيا طلتك
حسيت بأن محبتك
هتكون ولا أجدع طبيب
بقلمى
أشرف خوبنس
تعليقات
إرسال تعليق