قصة زجلية " فتاة الورد " // المهندسة مهى سروجي

 قصة زجلية " فتاة الورد "

********************

كانت و لازالت الصبية الحلوة اللي حبت الورد و الزهر

اللي بعدا تقطف من الزنبق الخجل و من الياسمين العطر

اللي كانت تخطف من السوسن الغفوة لتنسى القهر

بعدا لما كانت صغيرة و ضحكتها غضة طرية

تلعب مع البنات و كانها حورية أو زهرة برية

تطير مع الفراشات و تعشق متل كل الطيور الحرية

و كبرت و صارت أحلى صبية بروحها المرحة و أيامها الهنية

و فجأة ضاعت البسمة من الشفايف

و القلب صار حزين و خايف

و الدمع ملا العيون و الحزن طايف

فقدت اغلى البشر على قلبها الحنون

بالاول غاب الاب عن العيون 

.....    و خطفتو ايد المنون  

لحقتو امها و تركت قلبها محزون

راح الأمن ما عاد في الا الظنون

دبلت زهرتنا و مشت فيها الايام

تاهت وسط غابة من الأوهام

الدمع بعيونها و بقلبها الالام

و احتارت و احتار معها الزمان

ما لاقت عطف بعد اللي كان 

شايفة الظلم أشكال و ألوان

ما فيها تغير و لا تعدل الكون

و القهر ملا القلب و العيون

صارت زهرة برية بدون لون

بتعد ايامها يوم ورا يوم

واوراق قصتها 

" فتاة الورد "

#مهى سروجي